اخر كلمات حلمي بكر قبل رحيله وسر تأخير الجنازة.. بث مباشر

قال حلمي بكر، في آخر مداخلة هاتفية له في أحد البرامج التلفزيونية، قبل وفاته، عن أنباء تعذيبه: آلة الحب اللي عندكم معرفش شكلها إيه، يا أتكلم وأقول أي كلام فاضي وأتهاجم.. فأنا بسكت، أنا موصلتش كدا خالص، ولا وصلت إني أبقى تافه وأرد وسعيد جدا أن خيبتنا بقت تقيلة.

وتابع الموسيقار حلمي بكر: اللي بيحصل ده بيحصل وأنا بتفرج مفيش حاجة تخليني أرد عليه، وأرد على ايه أصلا، اتكلم في هيافة؟ فأنا بسكت، والجمهور بيطمن سواء بالتطاول وبقلة الأدب ببعض اللي بيعملوا الكلام واللي بيهاجموني، وكل اللي بيعمل حاجة بيعمل، أنا قررت أني متكلمش في الحاجات دي خالص.

وسبق وأن كشفت سماح القرشي، زوجة الموسيقار حلمي بكر، تفاصيل حالته الصحية خلال تصريحاتها مع الإعلامية لميس الحديدي، في برنامجها كلمة أخيرة: عنده كهربا زيادة في القلب، ومنع نفسه من الاتصالات ثم مشاكل كلوية ومياه على الرئة.. حاولنا نعالجها علشان منلجأش للغسيل والحمد له لم نصل لتلك المرحلة، وطبيبه المعالج الدكتور محمد سلامة، وعدينا خط الموت في فترة قصيرة جدًا.

وتابعت زوجة حلمي بكر: أخواته جم علشان ياخدوه معرفش مين بعتهم، ورفض الذهاب معهم، وقال لهم لن أغادر بدون ماما، وهذه أمي أنا، وعندما تدهورت حالته الصحية في المهندسين، رفض حلمي بكر الذهاب للمستشفى لمدة أسبوعين وأكثر، وقال مش هروح مستشفى، وقلنا نخليه يغير جو في هواء نظيف.