انفراد وحصري.. ننشر أقوال والد عروس المحلة أمام النيابة قبل وفاته: المتهم ضربها وربطها في السرير
![قضية رأي عام](https://www.publicopinioncase.com/img/24/03/08/37505_W.jpg)
![](https://www.publicopinioncase.com/ix/GfX/logo.png)
ينفرد موقع قضية رأي عام بنص أقوال والد روان محمد، ضحية زوجها داخل شقتها بمنطقة الشعبية في مدينة المحلة الكبرى، والتي عرفت إعلاميا بـ"عروس المحلة"، وجرى إحالته إلى محكمة الجنايات.
س / ما صلتك بالمتوفاة لرحمة مولاها ؟
ج / أنا والد روان الله يرحمها
س / وما معلوماتك بشأن واقعة وفاة المجني عليها / روان محمد عبد السلام محمد مصطفي ؟
اقرأ أيضاً
مصرع طالب صدمه قطار المحلة - طنطا أثناء عبوره شريط السكة الحديد في الغربية
مصرع طالب صدمه قطار المحلة - طنطا أثناء عبوره شريط السكة الحديد في الغربية
المتهم بقتل «عروس المحلة» أمام النيابة: «بتشتمني وتضربني»
رثاها ولحق بها.. وفاة والد ”عروس المحلة” ضحية زوجها
والد ”روان محمد” عروس المحلة في التحقيقات: ضربها في شهر العسل|انفراد وحصري
إحالة المتهم بقتل «روان» داخل شقتها للجنايات.. تفاصيل مثيرة تكشفها التحقيقات| انفراد وحصري
إمام عاشور أفضل لاعب فى مباراة الأهلي وبلدية المحلة
60 دقيقة ..هجوم أهلاوى متواصل بعد التقدم على بلدية المحلة برباعية
5 لاعبين يترقبون الظهور الأول واستعادة بريقهم مع الأهلى
موعد مباراة الأهلى المقبلة أمام بلدية المحلة بالدوري والقناة الناقلة
شكاوي المواطنين|أسرة تبحث عن إبنها المتغيب منذ 7 شهور: انت فين يامحمد قلبي وجعني عليك
وفـاة المدير الإداري للترسانة ياسر حسن بعد فوز فريقه على غزل المحلة في كأس مصر
ج / اللي حصل ان بنتي متزوجة / أحمد عبد الرحمن السعيد عبيد ومقيمة معاه هنا في المحلة في منطقة شعبية بقالها سنة و خمس شهور ومخلفة منه طفل عنده خمس شهور والنهاردة حوالي
الساعة الثانية عشر ظهرا جالي اتصال هاتفي من احد ضباط المباحث هنا في المحلة بيبلغني اني اشد حيلي وان بنتي ماتت مقتولة وفي حد ضاربها وان اتعمل محضر واتعرض علي النيابة العامة
وبلغني احضر امام النيابة ف انا جيت انا وابني عمر علي المحلة علي طول عشان نتسأل في القضية.
س / متي وأين تلقيت ذلك الاتصال الهاتفي؟
ج / النهاردة الساعه ١٢ الظهر
س / ومن هاتفك تحديداً ؟
ج / العقيد / أبو العزم منصور رئيس فرع البحث الجنائي بالمحلة.
س / وما علاقتك بسالف الذكر؟
.
.ج/ هو مفيش علاقة بيني وبينه بس هو كان رئيس مباحث مركز بلقاس محل اقامتي لمدة خمس سنين وجاب رقمي من نقيب المحامين عندنا الأستاذ / طارق المغازي وكلمني عشان
يبلغني بالواقعة .
س / وما مضمون المكالمة الهاتفية التي تلقيتها ؟
ج / هو الضابط ده كلمني قالي ان بنتي روان لقيوها في بيت جوزها مضروبة وميتة وإن اتعمل محضر بالواقعة دي واني اشد حيلي و اجي المحلة عشان أقول اقوالي في القضية.
س / وما هي بيانات نجلتك المتوفاة لرحمة مولاها تحديداً ؟
ج / بنتي اسمها / روان محمد عبد السلام محمد مصطفي كان عندها ٢٢ سنة متزوجة من المدعو / أحمد عبد الرحمن السعيد عبيد ومقيمة معاه في مدينة المحلة في منطقة الشعبية لانه أصلا من
المحلة بقالها سنة و خمس شهور ومخلفة منه طفل عنده خمس شهور وهي ربة منزل.
س / ومن اين تعرفت نجلتك المتوفية لرحمة مولاها التي كانت تقيم برفقتك بمدينة بلقاس على زوجها سالف الذكر ؟
ج / هما كانوا زملاء في كلية تربية رياضية جامعة المنصورة من دفعة واحدة واتعرفوا علي بعض
في الكلية واتجوزوا بعد تخرجهم .
س / وما معلوماتك بشان واقعة وفاة نجلتك ؟
ج / انا لسة معرفش أي حاجة عن تفصيلات الوفاة غير ان بنتي اتضربت وماتت بس انا بتهم جوزها / أحمد عبد الرحمن السعيد عبيد انه قتلها.
س / وعلي أي أساس تتهم سالف الذكر بالتعدي علي نجلتك وقتلها ؟
ج / لان بنتي المباحث لقوها مضروبة في بيتها الي عايشة فيه مع جوزها و هي وجوزها بينهم خلافات بقالهم سبع أيام و كل يوم بتتصل بأخوها / عمر محمد عبد السلام تشتكي انه بيكلم بنات عليها و مش مهتم بيها و انه علي طول بيضربها و بیشتمها وبيهينها ده بخلاف انه سبق واعتدي عليها بالضرب المبرح و كان رابطها في السرير ومبهدلها في شهر عسلهم في اسكندرية
وانا اتدخلت وحليت الموضوع وقلت اصبر عليه وبعد الخلفة اكيد هيهدي و يراعي بيته وفضلت صابر عليه لحد ما قتلها.
س / وما تفصيلات الخلافات التي بين نجلتك المتوفاة وبين زوجها / أحمد عبد الرحمن السعيد عبيد الذي تتهمه بقتلها ؟
ج / هو من اول شهر جواز بينهم بيضربها وبيبهدلها لدرجة انهم وهما في شهر العسل في إسكندرية كان ضاربها ضرب مبرح لدرجة انها رجعت بيتها في المحلة متورمة ومتعورة جامد و عرفت انه كان رابطها في السرير واتعدي عليها ولما قعدت معاه اتصالحنا وقلت ما اخربش علي بنتي في بداية
حياتها و اخدت عليه وعد انه يعاملها كويس و صالحتهم و فضلت مدار السنة و الخمس شهور تشتكي كل فترة من سوء معاملته وكانت بتخاف تكلمني وتحكيلي اللي بيعمله و تكلم عمر ابني تشتكيله عشان كانت عارفة اني لو كنت عرفت انه رجع ضربها تاني كنت هطلقها من أحمد جوزها.
س/ وما الذي دفعك للتيقن من توجيه الاتهام إلى زوج نجلتك المجني عليها المدعو / أحمد عبد الرحمن السعيد عبيد بقتلها ؟
ج / انا تأكدت انه قتلها بناء علي اتصال تليفوني من دكتور طب شرعي طنطا وعرفت انه جاب رقمي من المباحث وكلمني عشان استلم جثمانها بعد ما عرفت ان النيابة نقلت الجثة هناك تتشرح وسألته هو بيكلمني ليه وهي عنده في الطب الشرعي وعرفت انها ميتة بطعن سكينة وده غير
ان جوزها احمد مختفي من ساعة ما عرفت بالقصة دي ومش عارف اوصله وسألت عليه هو عند المشرحة قالولي لأ لأني بعت اخت مراتي هناك عشان تفضل جنب الجثة لحد ما اروحلها لاني رنيت عليه هو وابوه اكثر من مائة مرة وتليفوناتهم مقفولة ده غير ان روان الله يرحمها كلمت عمر ابني امبارح الساعه ۱۱٫۳۰ باليل بلغته انها مش طايقة العيشة مع جوزها ومش قادرة تتحمله وعايزاه
يروح ياخدها يروحها بلقاس و ابني قالها ميصحش خلي جوزك هو الي يجيبك فقالتله خلاص هخليه يجيبني و عبد الرحمن الي هو ابنها اللي عنده خمس شهور الصبح فكل ده يخليني اتهمه انه قتلها بضربة سكينة زي الطب الشرعي ما بلغني ولأنه مختفي ومش عارف اوصله لحد دلوقتي.
س/ وما قولك فيما ثبت بمناظرة النيابة العامة لجثمان نجلتك من وجود جرح طعني بالبطن بها ؟
ج / ده يأكد صحة الكلام الي بلغني بيه دكتور المشرحة اللي كلمني وبلغني انها اتقتلت بطعن سكينة.