الرئيس السيسي في أقوى رسالة للمصريين: أنا مغامرتش بيكم

كشف الرئيس عبد الفتاح السيسي، أن التحديات المحيطة بنا في المنطقة لها أثار وتأثير، مضيفا أن الحرب على الإرهاب كان لها تكلفة ومحدش كان يقدر يشيلها لوحده.

وتابع خلال كلمته بالندوة التثقيفية للقوات المسلحة بمناسبة يوم الشهيد، لم أغامر بيكم عشان فهم خاطئ أو تقدير منقوص فخدنا قرار ودخلناكم في الحيط وضيعنا مصر.

وأضاف الرئيس عبد الفتاح السيسي، إحنا إن شاء الله مش فسدة خدنا أموالكم وضيعناها بفساد ودلع، لا محصلش، إن كنا عملنا فكل حاجة اتعملت على أرض مصر

وأردف: إنسان أنتوا اخترتوه وقولتوا له تعالى تولى المسئولية وأنا قولت لكم تعالوا نتولى المسئولية ومقولتش لكم أنا لها أنا لها وهاتوا كل كلامي من الأول أثناء الترشح هتلاقوا كلامي مبيتغيرش.

وواصل السيسي: قولتها قبل كده 100 مرة لازم العمل والصبر، واحدة منهم لوحدها متنفعش لازم نعمل ونصبر يعني الاتنين مع بعض، قائلا: عمري ما عتبت حد وقولت وعدتوني إن إحنا نبقى مع بعض كلنا.

وأشار إلى أن الظروف الصعبة اللي إحنا فيها، مش إحنا اللي عملناها بمغامرة، والأيام اللي فاتت مش أتقالكم إنتوا أقوى جيش، أنا بكلم كل المصريين مش بكلم الجيش والشرطة والحكومة أنا بكلم الناس