دينا فؤاد: مكناش عارفين نصور في شارع المعز بسبب أحمد العوضي
![قضية رأي عام](https://www.publicopinioncase.com/img/24/01/04/37589_W.jpg)
![](https://www.publicopinioncase.com/ix/GfX/logo.png)
كشفت الفنانة دينا فؤاد كواليس مسلسل "حق عرب" الذي يجمعها بالفنان أحمد العوضي، وما حدث خلال التصوير في شارع المعز.
وقالت دينا فؤاد خلال مداخلة هاتفية ببرنامج "كل يوم": "صورنا في أماكن كتير في وسط البلد والمعز ومصر الجديدة، لكن أيام شارع المعز معرفناش نصور بسبب أحمد العوضي لأنه محبوب بشكل غير طبيعي أنا شفت دا بعينيا الناس بتحبه وتستقبله وتوقفه تتصور معاه وهو ليه طريقة في التعامل مع الناس تخليهم يحبوه أكتر وإن شاء الله الحب ده يترجم بنجاح المسلسل في رمضان".
وتابعت دينا فؤاد متحدثة عن التعاون مجددا مع أحمد العوضي: "بعد نجاح اللي "مالوش كبير" و"الاختيار" بنأكد التعاون بـ"حق عرب" والكيميا اللي بينا هنا اتأكدت وعاملين حاجة إن شاء الله محترمة وهتعجب الناس إحنا في منطقة المغربلين بنت واقفة على ناصية شاي بتساعد أبوها اسمها حنان الغرباوي قصة حب وأحداث كتير، ودراما وشخصية مركبة وفيها أكتر من تحول مش تحول واحد أنا تعبت أوي عليها وكل الصناع تعبوا معايا عشان تطلع الشخصية بالشكل اللي هتشوفوه".
وتابعت دينا فؤاد: "رسالة المسلسل هي أن لا يصح إلا الصحيح وأن أي حد بيعمل أي حاجة أيا كانت هي إيه مش بتستخبى بتظهر ولو بعد 100 سنة مفيش حاجة غلط البني آدم بيعملها بتستخبى طول العمر لازم هتظهر".
اقرأ أيضاً
ومسلسل "حق عرب" يشارك في بطولته أحمد العوضي، دينا فؤاد، رياض الخولى، وفاء عامر، وليد فواز، دنيا المصرى، كارولين عزمى، أحمد صيام، سلوى عثمان، وفاء مكى، أحمد عبد الله محمود، ميدو ماهر، الطفل منذر مهران، وعدد آخر من الفنانين، تأليف محمود حمدان وإخراج إسماعيل فاروق وإنتاج شركة سينرجى.