باسم سمرة عن التربية الحديثة: دي قلة أدب إحنا عندنا دين وأخلاق

تحدث الفنان باسم سمرة عن التربية الحديثة إلى جانب رأيه في مصطلح المرأة المستقلة، وذلك خلال استضافته في برنامج كلام الناس مع الإعلامية ياسمين عز عبر قناة MBC مصر.

وسألته ياسمين عز في برنامجها: إيه رأيك في التربية الحديثة، والبنت اللي تكون لسه صغيرة في المدرسة وتسافر لوحدها؟.

ورد باسم سمرة: «دي مش تربية حديثة.. دي قلة أدب.. أنا معنديش الكلام ده وما أشجعش عليه.. إحنا عندنا دين وأخلاق والتربية الحديثة دي تربية بره مش هنا في مصر.. وإحنا عندنا أصول فلاحين لأننا من المنصورة.. وكده هنطلع أجيال مش سوية».

وأضاف باسم سمرة: «السوشيال ميديا أثرت بالسلب وخصوصًا على الأطفال والجيل الحديث محتاج رقابة من البيت ومن الأم والأب والأخ، وإحنا عندنا عادات في منتهى الجمال زي الكرم والأدب دي التربية الحديثة اللي نعتمدها مش اللي ييجي لينا من بره ولا من النت».