«مش مجرم».. هاشتاج جديد للدفاع عن عصام صاصا بعد حادث الدائري

يحظي مؤدي المهرجانات عصام صاصا بشعبية كبيرة بين الشباب، بسبب أعماله الفنية، وظهرت هذه الجماهير على مواقع التواصل الإجتماعي للدفاع عنه، بعد حادثة دهش شاب على الطريق الدائري.

وأطلق عدد من محبي مغني المهرجانات عصام صاصا هاشتاج جديد على مختلف مواقع التواصل الإجتماعي، بعنوان «عصام صاصا مش مجرم»، وذلك للدفاع عنه بعد دهسه مواطنًا على الطريق الدائري في الأيام الماضية.

واشتهد البعض بقول الله تعال«وَمَا لِلظَّالِمِينَ مِن نَّصِيرٍ»، من سورة الحج، الآية 71، دفاعا عن عصام صاصا، وأشار الكثير بإن الحادث لم تكن إلا قضاء وقدر.

وكان من ضمن المتفاعلين لهذا الهاشتاج، مؤدي المهرجات حمو بيكا، حيث كتب منشورًا عبر حسابه الشخصي على «إنستجرام»، قائلا به: «عصام صاصا، عمره في حياته ما كان مؤذي أو شخص مش كويس، وأنا مش بكتب الكلام ده عشان أزيط في الزيطة».

وتابع: «وأنا مش بكتب الكلام ده عشان أزيط في الزيطة، ومش محتاج أظيط أنا كحمو بيكا أنا أعرف الراجل ده من سنين السنين كمان، خبط واحد بعربيته قضاء وقدر ياريت بقى الناس بتاعت التيك توك، والناس اللي هي بتزيط دي متركبش المركب بالشقلوب، وتفضل تقول كلام محصلش الراجل ده».

وأكمل: «دلوقتي في محنة، وفي أكتر مش شخص بيطلعوا يعملوا فيديوهات ملهاش أي تلاتين لازمة ملكمش الحق إنكم تتكلموا، وملكمش الحق إنكم تطلعوا تجيبوا سيرته، بأي حاجة أنا شايف كمية فيديو ع التيك توك بجد حاجه تقرف حاجه تدل على إن إحنا شخصيات معندهاش مبدء وشخصيات مقرفة».

وأردف «الراجل مات وده نصيبه الله يرحمه ويرحم جميع أمواتنا، لكن المزايدات ملهاش لازمة صدقوني، والقانون والدولة هما الوحيدين اللي ليهم الحق في الكلمة، أو في أي حاجة تخص الموضوع ياريت بقي نهدا ونبطل هري، ربنا يرحم اللي مات برحمته، وربنا يرجعلنا عصام صاصا بالسلامة، وعصام صاصا مش مجرم».

ويذكر أن حادث عصام صاصا، حدث يوم الاثنين الماضي الموافق 6 مايو، تسبب فيه بوفاة شخص يدعى أحمد مفتاح يبلغ من العمر 40 سنة، وذلك بعد دهسه أعلى دائري المنيب.

وتلقى قسم شرطة الطالبية، بلاغا بوقوع حادث مروري ووجود متوفي أعلى الطريق الدائري بالمنيب قبل نزلة المريوطية بدائرة القسم، وعلى الفور انتقل رجال المباحث إلى مكان البلاغ للوقوف على ملابسات الواقعة، وبالفحص تبين أن مطرب المهرجانات عصام صاصا صدم أربعينيا بسيارته أعلى طريق الدائري، مما تسبب في وفاته على الفور.