منة عرفة: علاقتي بأشرف زكي طيبة ووقف جانبي

تحدثت الفنانة الشابة منة عرفة، عن نقيب المهن التمثيلية، أشرف زكي، قائلة: "ده راجل له كل الاحترام والتقدير، لأنه وقف جنبنا كلنا .. ومبيقبلش أي كلام يتقال على فنان أو فنانة".

وأضافت منة عرفة خلال لقائها مع برنامج "سابع سما"، المُذاع على فضائية "النهار"، قائلة: "أنا علاقتي مع أستاذ أشرف، هي علاقة طيبة جداً، ولحد الآن .. وهو رجل محترم وبيعرف يفرق ويميز، وعنده وعي ومثقف، وقادر يوزن الكلام .. ويعرف مين اللي ليه ذنب ومين اللي ملوش".

وتابعت الفنانة الشابة: "من وأنا عندي 5 سنوات، وكانت بتحصل أي مشكلة، ووالدتي بتكلمه، كان هو اللي بيقف في ضهري .. وآخر مكالمة بينا كانت من اسبوعين تلاتة .. وهو بيقولي انتي بنتي وبينصحني كأب".

وذكرت منة عرفة: "في المشاكل اللي مريت بيها مع زوجي محمود المهدي، أستاذ أشرف كان بيقولي انا مش عايز أبقى السبب في أي حاجة تحصلك في حياتك .. انتي شوفي المناسب ليكي واعمليه وانا هبقى في ضهرك".