في أول ظهور لها.. زوجة سفاح التجمع تفجر مفاجأة: كان هيقتلني.. وأمه بتهددني

كشفت لبني غانم زوجة سفاح التجمع، تفاصيل جديدة عنه، وكذا اتهامه بقتل 3 فتيات، إلى جانب اتهامه لها بالخيانة الزوجية، الأمر الذي دفعه لرفع قضية زنا عليها وحصل على حكم بحبسها، وبحضانة ابنه الوحيد منها وتركه عند والدته، ومنذ تلك اللحظة تحول كل شيء في حياة المتهم، فأصبح يستدرج الفتيات إلى شقته ويمارس معهن العلاقة السادية، ثم يقتلهن، ويلقي الجثة في الصحراء..

وقالت لبني غانم زوجة سفاح التجمع، خلال مداخلة هاتفية مع الإعلامي عمرو أديب ببرنامجه الحكاية: حاول يقتلني كذا مرة قدام ابني وكان بيزعق له عشان ميضربيش وكنت بستحمل الضرب عشان ابني.

وأضافت زوجة سفاح التجمع: أختي جت زيارة للقاهرة، وجوزي اتعامل معاها بعنف وحاولت أحميها منه، لما كانت عندنا في بورسعيد، وبعدها أخدتها القاهرة عشان أبعدها عنه، ومامته كانت بتخليه يعمل أي حاجة.

واستكملت: كان عنده قضايا تحرش في أمريكا، واكتشفت ده من سنتين وكان مخبي عليا، ولما عرفت إنه بيقتل الضحايا كان طبيعي، ومتوقع إنه يعمل كده، وحاول يرفع عليا قضايا زنا، واتحكم فيها في البراءة.

وقالت لبني غانم زوجة سفاح التجمع خلال مداخلة هاتفية مع الإعلامي عمرو أديب ببرنامجه الحكاية: تعرفت علي جوزي من 10 سنين، وبقالنا 3 سنين منفصلين، ومش بشوف ابني من وقتها، وأنا بقالي فترة بحاول أوصل لابني، لكن مش عارفة أوصله

وواصلت زوجة سفاح التجمع: حاول يقتلني أنا وأخواتي أكتر من مرة، وكان عنيف معايا، وبيتخانق معايا باستمرار، وفضلت أتواصل مع والدة زوجي عشان أعرف أوصل لابني، لكن كانت بترفض وبتتهرب مني.