شاهد عيان في واقعة عمرو دياب: «الشاب كان بيضايق الفنانين وهو اللي وصل نفسه للضرب»

علق إسلام جنزر، وهو شاهد عيان في واقعة عمرو دياب حين صفع شابًا على وجهه، بعدما حاول الشاب التقاط صورة معه خلال غناء عمرو دياب في أحد حفلات الزفاف.

وكتب إسلام في منشور عبر حسابه بـ«فيس بوك» عن الواقعة التي شهدها: «أولًا أنا صحيت لقيت مقطع فيديو متداول على السوشيال ميديا والوطن العربي مقلوب وأنا موجود في الفيديو ده».

وتابع إسلام: «بس في حاجة مهمة لازم الناس تفهمها وديه شهادة منيّ قدام ربنا، إن الولد اللي اتضرب بالقلم هو اللي عمل كدا في نفسه، وإن عمرو دياب كان في منتهى الذوق والرُقي، والراجل جاي من غير جاردات ومبسوط لأن والد العروسة صديق شخصي ليه».

واستكمل: «وإن كل الناس اللي حوالين عمرو دياب هم أقارب العريس والعروسة جدًا، والولد ده كل الناس كانت بتبعده عن الفنانين لأنه كان بيضايقهم بتصرفاته الغريبة».

وأختتم منشوره: «وده اللي وصل الامور إن عمرو دياب يضربه لأنه مسكه من الجاكيت بطريقة همجية، وغير حضارية لنجم كبير ذي عمرو، رغم إن الراجل كان بيتصور مع الجميع عادي جدًا».