بعد أزمة شقيقها وطليقها.. تسريب أغنية شيرين عبد الوهاب الجديدة

تسريب جديد يضرب مسيرة شيرين عبد الوهاب الفنية، حيث تداول رواد مواقع التواصل الاجتماعي مقطع فيديو لأغنية جديدة لها تحمل اسم «كل الحاجات».

انتهت شيرين عبد الوهاب الفترة الأخيرة من تسجيل أكثر من أغنية وتستعد لطرحها، ولكن تفاجأ الجمهور اليوم الاثنين 24 يونيو 2024 بتسريب أغنية كل الحاجات قبل طرحها رسميًا مما يعرضها لبعض الأزمات مع الجهة المنتجة.

وكانت قد تعرضت الفنانة لأزمة مع شركة روتانا من قبل بسبب تسريب أغاني جديدة لها، عقب غياب فترة طويلة.

ويأتي تسريب أغنية شيرين عبد الوهاب الجديدة، في نفس وقت أزمة طليقها حسام حبيب مع شقيقها محمد عبد الوهاب، وتصريحاتها الأخيرة ضد شقيقها.

كلمات أغنية كل الحاجات

كلمات أغنية كل الحاجات لـ شيرين عبد الوهاب بعد تسريبها، وتقول:

«كل الحاجات شبه الحاجات بس مش هي

الطريق شبه الطريق

والصديق شبه الصديق

والامسيات والاغنيات

وحاجات كتير فيكي

وحاجات كتير فيا

كل الحاجات شبه الحاجات بس مش هي

كل الحاجات شبه الحاجات الا الكراهية

كل الدروب مش عارفاني

كل المواسم برد

كل الشوارع نكراني

في بلاد بتكره بعض

بتتسرق روحنا

واجمل ملامحنا باهتة ومنسية

بنحن للبدايات وأول الحكايات

والأيام العادية».

وكانت قد حسمت الفنانة شيرين عبد الوهاب، الجدل المثار مؤخرًا بين شقيقها محمد عبد الوهاب، مع طليقها الفنان حسام حبيب، بعد تسريب تسجيلات صوتيه له يؤكد من خلالها أن الأزمات التي تعرضت لها مؤخرًا وابعدتها عن الساحة الفنية وعن جمهورها بسبب شقيقها، مؤكدة على أن كلام «حسام حبيب»، هو الحقيقة، وأن شقيقها باعها لإحدى الشركات، على حد وصفها.

وأوضحت شيرين عبد الوهاب، خلال تسجيل صوتي، قائلة: «مساء الخير على جمهوري الحبيب أنا فوجئت باللي بيحصل على السوشيال ميديا بين محمد عبد الوهاب وبين حسام حبيب، فأنا حبيت آكد أن كلام حسام مظبوط جدًا وأني أخويا فعلاً باعني، والتصريح اللي نازل ده نزل من محامي محمد شامي المستولي على السوشيال ميديا بتاعتي، وبتوكيل أنا كنت عاملاه له قديم، مضاله عقد بتخليه يحصل على السوشيال ميديا بتاعتي، وموقعين بتاريخ قديم، وفعلاً كل اللي قاله حسام حبيب مظبوط».

وأضافت شيرين عبد الوهاب، قائلة: «انا مبحبش دلوقتي اتكلم عن مشاكلي الشخصية عشان ما اشغلش حد والناس ماتفضلش تقول احنا ماورناش غير شيرين ومشاكل شيرين، بس لازم تفهموا أن في أغاني حلوة جدًا جدًا بالتعاون مع توما وعزيز الشافعي ومدين، وفي حاجات بتخلص عشان التصريحات والأوراق، عشان المشاكل اللي مع الشركة المنتجة اللي تخصني واللي فيها حد بشخصه قاصد يقعدني في البيت، احنا بنخلص الحاجات دي والأغاني هتنزل وهتعجبكم جدًا جدًا».

وأوضحت خلال التسجيل الصوتي قائلة: «عايزاكم ماتصدقوش أي حاجة من اللي محمد عبد الوهاب بيقولها، وبإذن الله الأغاني لما تنزل تعجبكم بس مشكور أن هو بيرد بالنيابة عن أهلي وهو اللي بيقول الحقيقة مش أهلي، برغم أن المحكمة حكمت في القضاء المصري، أن عقدي انتهى مع روتانا هم لسة رافعين قضايا عليا وموقفين الدنيا كلها بس أنا واثقة في نزاهة قضاء بلدي».

واعتذرت شيرين عبد الوهاب لجمهورها قائلة: «وأنا أسفة أني بشغلكم بأخباري، بس كان لازم أرد عشان صحيت من النوم لاقيت السوشيال ميديا مقلوبة، وأنا ماليش دخل في اللي بيحص ده، والله صدقوني أنا مش عايزة أضايقكم بأي أخبار عني سواء حلوة أو وحشة، عشان عارفة أن كل واحد فيكم أكيد عنده هموم وعنده مشاكل، مفيش في الدنيا غير شيرين، ده اللي بيتقال كل شوية شيرين شيرين».

واختتمت قائلة: «صدقوني الفترة اللي فاتت كنت ساكتة ومبتكلمش في تصريحات ولا أي حاجة وعمومًا أنتم أهلي وفعلاً أثبتولي أنكم أهلي وبتردوا غبتي وبعد أذنكم في بيان رسمي هينزل من مكتبي مكتب الاستاذ ياسر قنطوش هيكون فيه كلام أوضح ويا ريت ماتصدقوش غير البيانات اللي بتنزل من مكتب الأستاذ ياسر قنطوش دي بتبقى تصريح مني شخصيًا، غير كدة دي شائعات وأكاذيب ماتصدقوهاش، وأنتم طبعًا عارفين مين اللي بيقول الحقيقة هو مش أهلي، وأنا بشكركم ا حبايبي ربنا يخليكم ليا وماتحرمنش منكم بحبكم قد الدنيا».