بسمة وهبة تتهم شركة شحن بالتسبب في تدهور صحة ابنها.. التفاصيل كامله

قالت الإعلامية بسمة وهبة، إنها ستقاضي شركة شحن عالمية، وذلك نتيجة تأخرها في إرسال أشعة نجلها إلى ألمانيا كي يفحصها أحد الأطباء هناك، وهو الأمر الذي نتج عن تراجع في حالته الصحية.

وأوضحت بسمة وهبة في مقطع فيديو نشرته عبر حسابها بموقع «انستجرام»: «الرسالة دي لـ شركة الشحن، مش هسيبكم، لأنكم تسببتم في سوء الحالة الصحية لابني».

وأضافت: «أنا جيت من السعودية يوم 26، وابني كان تعبان وخد كذا حقنة في العمود الفقري ما ريحتهوش، وبعتنا لدكتور في ألمانيا قال لازم عملية، ولكنه طلب مننا أشعة MRI، وبالفعل تمت وقولت له في مصر أسرع من السعودية لأن المسافة بين السعودية وألمانيا أطول وقولتله هبعتها ليك في مكتب في المطار، وقالوا هتوصل في 48 ساعة».

وأكملت بسمة: «قعدت عندهم أيام 26 و27 و28 و29 صحيوا من النوم وبعتوا السي دي للندن، واكتشفوا أنها جات غلط وبعتوا لألمانيا، والمفروض تروح فرانكفورت بعتوها لبلد تانية في ألمانيا وابني الوجع بيزيد عليه والمفروض يعمل العملية».

وواصلت: «ابني عريس وفرحه بعد أسبوعين، وربنا ميجبش لينا إلا الخير لكن أنتم تسببتم في شر، وإحنا أجلنا الفرح علشان العملية تتعمل بسرعة ويتخلص من آلامه، ولو كنت بعت حد وركبته طيارة كان تقريبًا هيكون نفس السعر لأنكم أسعاركم غالية، ومش هسيبكم وهقاضيكم مش في مصر بس وبره مصر كمان».