أحمد دياب: أحمد رفعت سافر إلى الإمارات بوعد مني

كشف رئيس رابطة الأندية المحترفة، أحمد دياب، عن موقف أحمد رفعت من السفر إلى الوحدة الإماراتي.

وقال أحمد دياب، في تصريحات تليفزيونية مع الإعلامي إبراهيم فايق: "أحمد رفعت سافر بوعد مني وطلعله قرارين سفر مرة لـ لآيبريا واتمد لنادي الوحدة، والقرار الوزاري التاني "السماح له بالسفر للإمارات".

وأضاف "أنا قولت لأحمد مش هقولك تركب الطيارة غير لما القرار يطلع ويبقى في إيدي".

وتابع دياب: “لم يطبق على رفعت أي قانون، اللاعب عاد وشارك مع فيوتشر وكل دا بعد ما رجع من الإمارات شارك في الدوري وشارك في أفريقيا”.

وأردف: “أي حد في المنظومة الرياضية عارف إيه الخطوات اللي بتتعمل علشان تطلع بعثة أو لاعب، هو سافر بقرار وزاري وبشكل قانوني، أحمد خرج من المطار بشكل قانوني الخطوة اللي بعد كدا دي مش بتاعت أي نادي أو أي مؤسسة رياضية”.

وأكمل: “أحمد بعتلي بعد لما اتعرض للموقف دا وأنا كنت على تواصل معاه ومع نادر فترة ونقلت كل الكلام والصورة لوليد دعبس رئيس النادي”.

واختتم: “أنا بوضح موقف النادي مش في مجال أرمي تهم على حد أنا في مجال هل النادي عمل إجراءاته قانونية ولا لا، والإجابة النادي عمل إجراءاته كلها أما توضيحي لما هو إنساني أنا ساعدت وهناك شهود على الكلام ده”.