كريم حسن شحاتة: «الأهلي بيخوف أي حد وفي حتة تانية غير كل الأندية»

تغنى الإعلامي كريم حسن شحاتة بالفريق الكروي الأول بالنادي الأهلي عقب تغلبه على فريق بيراميدز بنتيجة 1-0 ليقترب خطوة جديدة من بطولة الدوري.

وقال كريم حسن شحاتة في تصريحات تليفزيونية خلال الساعات الماضية: «شخصية البطل اللي عند الأهلي بتخوف أي حد، بيراميدز اللي مكسر الدنيا في الدوري اختفي قدام الأهلي، ومع احترامي للجميع، الأهلي في حتة وباقي الأندية في حته تانية خالص، والأهلي بطل يستحق الدوري عن جدارة واستحقاق».

وأوضح كريم حسن شحاتة: «في المباريات الحاسمة شخصية الأهلي بتظهر الأهلي أهلي برضه، اه حقيقي بيراميدز فريق قوي لكن في الأوقات والمباريات الحاسمة الأهلي يكسب لإن شخصية الفريق بتظهر في الأوقات الصعبة».

وأضاف نجل المدرب التاريخي لمنتخب مصر حسن شحاتة: «لاعبو الأهلي مستواهم واحد في كل المباريات، بيراميدز ييجي قدام الأهلي وتلاقي نجومه اللي بيتألقوا في ماتشات كثيرة في الدوري ييجوا قدام الأهلي تلاقي 4 أو 5 لاعيبة اختفوا».

واختتم: «النادي الأهلي لا يتأثر بالضغط العصبي، وأنا راجل معروف زملكاوي بس لازم نقول الصح والحقيقة، الأهلي نادي الأوقات الصعبة، واللي معاه جمهور زي جمهور الأهلي ما يقلقاش من حاجة».