«كنت وسيط».. محمود الليثي يشعل «السوشيال ميديا» قبل محاكمة عصام صاصا اليوم

تصدر مطرب المهرجانات عصام صاصا، محرك البحث الشهير «جوجل»، بالتزامن مع أولى جلسات محاكمة مطرب المهرجانات عصام صاصا وشقيقه، و2 آخرين في القضية رقم 11659 لسنة 2024 جنايات قسم الجيزة، المقيدة برقم 3447 لسنة 2024 كلي جنوب الجيزة، على خليفة اتهامهم بتزوير محرر رسمي من جهة حكومية.

وأشعلت محركات البحث ومواصل التواصل الاجتماعي، أقوال محمود الليثي، أمام جهات التحقيق، أمس الأربعاء، وذلك في اتهام عصام صاصا مطرب المهرجانات وشقيقه وآخرين في تزوير محرر رسمي.

وأوضح: «اللي حصل في حادث عصام أني كنت لسه مخلص حفلة واتصل بيا حد في المجال وقالي ألحق عصام صاصا عامل حادثة وخبط واحد وجريت عليه على الدائري، ولما وصلت لقيت الراجل متوفي وعصام واقف وعربية الشرطة واقفة وعصام كان منهار وبيقول حق الراجل في رقبتي ليوم الدين.. ومرضيش يمشي وشيلنا المتوفي في الإسعاف وروحنا قسم الطالبية ولما روحنا عصام اتعرض على النيابة وخد إخلاء سبيل من القسم وكان عنده حفلة في دبي في الإمارات يوم 9 مايو وسافر بعد ما خرج من القسم عشان الحفلة».

وتابع محمود الليثي: «بعدها بيومين معاذ مدير أعمال عصام صاصا كلمني وقالي إنه في محامي اسمه محمد حمودة وعايزين نعرف اتعابه كام عشان عصام، وروحت لمكتب محمد حمودة فعلا وقعد معايا أنا وصاحبي سيد واتفقنا على الأتعاب حوالي 2 مليون جنيه وبعدها مشيت وكلمت معاذ وقولت له خلاص الأمور تمام.. ومعرفش هو المحامي اللي عصام عمل له التوكيل من برا ولا لا، ومكنش معايا أي مستندات وأنا رايح، ولا أعرف حاجة عن التوكيل المزور بتاع عصام، وكل القصة أني كنت وسيط بس».

وأحالت جهات التحقيق بنيابة الجيزة في وقت سابق، المتهمين في القضية إلى محكمة الجنايات العاجلة، في واقعة اتهامهم بتزوير محرر رسمي من جهة حكومية.

وألقت الأجهزة الأمنية بالجيزة، القبض على شقيق مطرب المهرجانات عصام صاصا، وذلك بعد صدور أمر بضبطه وإحضاره، لاتهامه بالاشتراك مع آخرين في تزوير توكيل عام لأحد المحامين للدفاع عن شقيقه رغم تواجده خارج البلاد.