أول رد فعل من تامر حسني بعد تصريحات شذى

فاجأ الفنان تامر حسني، جمهوره بإعلانه قبول اعتذار الفنانة شذى له، وقال لها: "المسامح كريم".

ورد تامر حسني على رسالة شذى وكتب تعليقا على الصورة التي نشرتها عبر حسابها على انستجرام، واعتذرت من خلالها له قائلا: "ولا يهمك يا أوزه كفاية إنك كتبتي الكلام الجميل ده ربنا يوفقك ويسعد قلبك يارب المسامح كريم".

لترد عليه شذى: "روح قلب أوزه تستاهل كل حاجه حلوة والله يا أبو قلب أبيض وحلو زيك".

وكانت شذى التقت بـتامر حسني في حفل بالساحل الشمالي ونشرت صورتها معه وكتبت رسالة وجهت من خلالها اعتذارها قائلة: "من غير ما أفكر وأحاول ارتب الكلام إنت أكتر واحد في العالم عارف حبي ليك قد إيه وأكتر واحد برضوا عارفني وعارف أني على الله حكايتي ودماغي بتسوحني كتير، حقك عليا ودايما العتاب بيكون على قد الغلاوة وعلشان غلاوتك كتير هبت معايا زيادة متزعلش مني، وهتفضل صاحب عمري اللي عدينا مع بعض كتير الوحش قبل الحلو يا وش قفص قلبي".

وكانت تحدثت شذى عن تامر حسني خلال لقائها في برنامج "أنا سعيد"، الذي يقدمه الإعلامي سعيد جميل، عبر قناة "القاهرة والناس": "سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر".