حصري.. ماذا قال والد سفاح القليوبية قاتل أبنائه الأربعة في التحقيقات

حصل موقع قضية رأي عام، على نص التحقيقات في الواقعة المعروفة إعلاميًا بـ سفاح القليوبية، بعد إقدام أحد الأشخاص على التخلص من أبنائه الأربعة بمحافظة القليوبية، انتقامًا من والدتهم.

واستمع رجال التحقيق إلى أقوال والد المتهم وجد الأبناء الأربعة المتوفين، وجاءت كالآتي:-
س: هل سبق ضبط المتهم ع.س.ع في قضايا جنائية من قبل؟
ج: اتقبض عليه قبل كده عشان كان قاعد مع واحد بيبيع بانجو وأخد براءة بعدها من حوالي 10 سنين ومش فاكر أي تفاصيل عن القضية.

س: وما طبيعة علاقة المتهم بزوجته ر.ع.م؟
ج: هو اتجوزها من حوالي 25 سنة أما كان شغال في المطرية وخلف منها أحفادي الضحايا بس كانوا بيتخانقوا كتير بسبب إنه بيشك فيها كل شوية وكان طلقها قبل كده من كام سنة وردها بعدها.

س: هل ما زالت العلاقة الزوجية قائمة بين سالفي الذكر؟
ج: لا هو سابها وطردها من البيت وهي عايشة عند أهلها في المطرية من حوالي سنة أو أقل شوية.

س: ومتى كانت آخر مرة تقابلت فيها مع نجلك المتهم؟
ج: من حوالي 10 أيام في البيت عندي.

س: وكيف كانت الحالة التي أبصرت المتهم سالف الذكر عليها؟
ج: كان عادي متكلمتش معاه كان قاعد مع أمه شوية بس كان شكله طبيعي خالص.

س: وما الذي قد يدعو المتهم لارتكاب الواقعة؟
ج: أنا والله مش عارف هو عمل كده ليه يا رب ياخد حكم الإعدام على حرقة قلبي أنا والعيلة كلها.

س: وما قصد سالف الذكر من ارتكاب الواقعة؟
ج: قصده انه يقتلهم كلهم.

س: وكيف وقفت على ذلك القصد؟
ج: عشان مفيش غيره يعمل كده.

س: وما سندك في اتهام نجلك بإزهاق روح أبناؤه المجني عليهم؟
ج: عشان ابني التاني قال إن المتهم بعتله فيديو لعياله مقتولين وعشان هو اختفى من ساعة اللي حصل وعشان هو زرع شيطاني وبيشرب مخدرات ويعملها.

س: هل كانت هناك خلافات سابقة بينك وبين نجلك المتهم أو زوجته؟
ج: لا خالص.