كريم الحسيني لـ”حديث القاهرة”: هعتزل الفن والوسط بالكامل.. مش عايز اعمل ضجة إعلامية

أكد الفنان كريم الحسيني، رغبته في اعتزال الفن والسفر خارج مصر وأن ما كتبه عبر صفحته الرسمية بموقع فيس بوك لم يكن كلاما بل بالفعل ينوى الاعتزال والسفر، قائلا: "ما تردد أني عايز اعتزل وأسافر هو أكيد وأي حد بيكتب أني عايز اعمل ضجة اعلامية أنا أكبر من أي حد".

وأضاف كريم الحسيني، خلال مداخلة هاتفية ببرنامج "حديث القاهرة"، مع الاعلامية كريمة عوض، على قناة القاهرة والناس، "أي حد بيقول عايز اعمل ضجة عشان شركات الانتاج تكلمني أنا اكبر من أن أي حد يكلمني وأنا موهبتي كبيرة قوي، وأنا رجل مغرور بموهبتي وأنا أكبر من أي حد يكلمني وأنا اشرف أي حد وشركة ومصر كلها، ولما كتبت ده واضح قوي أني بايع الليلة وكل الاسماء اللي قلتها دي باين أني بخسر الناس ومش عايز اشتغل معاهم".

وتابع: "أنا بايع الليلة والقضية وقلت للفنان محمد صبحي أنا مش عايز اعتزل عن الفن أنا عايز اعتزل عن الوسط واعمل صرح فني زي اللي أنت عملته واخرج أجيال وعايز ادرس بره وبدرس هنا وممكن اكون بتقاضى أجر كويس من التدريس لكن لو درست بره اكيد هتقاضى فلوس اعرف احوش واكفي التزاماتي".