شوبير يكشف تطورات وتفاصيل تقدم الزمالك ببلاغ ضد كهربا

كشف الإعلامي أحمد شوبير حارس مرمى الأهلي ومنتخب مصر السابق تطورات تقدم نادي الزمالك ببلاغ ضد محمود كهربا لاعب الأهلي بسبب مستحقاته المتأخرة.

وقال أحمد شوبير: «قصة كهربا مع الزمالك الموضوع باختصار إن غرامة الزمالك كانت تقريبا 2.4 مليون دولار، وهو ما يوازي بالجنيه المصري وفقا لسعر الدولار وقتها 76 مليون جنيه، المبلغ اللي اتحط لنادي الزمالك كان حوالي 70 مليون جنيه في الحساب الرسمي للنادي و6 مليون جنيه شيك مستحق الدفع في موعد محدد».

وتابع شوبير: «طبعا وقتها الزمالك قال خدت فلوسي بالكامل لإن معاه شيك يضمن حقه، لكن اللي حصل إن في موعد تسديد الشيك راح نادي الزمالك يصرف ملقاش فلوس في حساب اللاعب وبالتالي عمل محضر ضده أمس».

وأوضح شوبير: «مسؤولو الزمالك حاولوا يتواصلوا مع كهربا (وفقا لما علمته) من خلال وسطاء لكن معرفوش يتوصلوا للاعب والزمالك بعد منحه أكثر من مهلة عشان ياخد رد من البنك لكن كل مرة مفيش رصيد كافي وبالتالي قرروا يعملوا محضر ضد نجم الأهلي».

وأضاف شوبير: «كهربا قال لي إنه واثق إن الموضوع هينتهي، ويارب ما ييقاش فيه مشكلة والموضوع يخلص والحقيقة فيه حاليا مرونة من جميع الأطراف لإنهاء الموضوع يعني».