والد سوزي الأردنية يكشف سبب تريند ”آه والشارع اللي وراه” في التحقيقات
في تطور جديد أثار اهتمام الرأي العام، قضت محكمة مستأنف شمال القاهرة بتغريم البلوجر سوزي الأردنية 300 ألف جنيه، مع إلغاء قرار حبسها.
جاءت القضية بعد بث مباشر أثار الجدل، حيث ظهرت سوزي وهي توجه ألفاظًا خادشة للحياء العام لوالدها، ما دفع الواقعة إلى تصدر المشهد الإعلامي.
نص التحقيقات القضية تضمنت شهادة والدها، والتي جاءت كالتالي:
ما صلتك بالمتهمة مريم أيمن محمد الدسوقي؟
"مريم تبقى بنتي ‘سوزي’
ما معلوماتك عن الواقعة محل التحقيقات؟
بنتي كانت شايلة معايا فلوس، وطلبتها مني، قلت لها مفيش فلوس علشان بتصرفها في الفاضي، حصلت بينا مشادة، وهي كانت فاتحة لايف على التيك توك، قالتلي في اللايف 'أنا هعملك محضر ابن فاجرة'، لأنني رفضت أعطيها الفلوس وهددتها إني لو غلطت هحبسها، لكن في النهاية دي بنتي، وأنا مش بتهمها وعاوزها تبقى كويسة.
متى وأين حدثت الواقعة؟
من حوالي شهرين في البيت بتاعي بالمطرية، والفيديو انتشر على الإنترنت.
ما سبب المشادة؟
الموضوع كله كان بسبب فلوس بنتي اللي شايلاها معايا ورفضت أديها لها، فحصلت المشكلة.
ما طبيعة عملك؟
أنا شغال محصل في هيئة النقل العام.
ما ظروف نشأة مريم الاجتماعية؟
مريم اتولدت هنا في مصر، وهي مصرية، "سوزي الأردنية" دا اسم شهرة، وعندها أختين، وإحنا أسرة متوسطة الحال وأنا بصرف عليهم ومرضيين.
ما طبيعة عمل مريم؟
هي طالبة في الثانوية العامة ومش بتشتغل.
ما مدى علمك بحسابات مريم على التيك توك والإنستجرام؟
أنا معرفش عن الكلام دا حاجة، أول مرة أعرف دلوقتي، اللي كنت أعرفه إنها بتنزل صور وفيديوهات على الإنترنت.
متى بدأت مريم إدارة حساباتها؟
من حوالي سنتين أو سنتين ونص.
ما بيانات حسابها؟
على ما أظن اسمه "سوزي الأردنية".
