رواد السوشيل ميديا يبدأون الهجوم علي وزير التربية والتعليم الجديد .. مافيش حاجة مبهرة في السي في بتاعه.. مجرد مدير فى مدرسة خاصه بتمتلكها والدته

بدأ عدد من رواد السوشيل ميديا انتقاد الدكتور محمد عبد اللطيف وزير التربية والتعليم الجديد حيث أكد أحمد برهام عبر صفتحه علي موقع التواصل الاجتماعي "فيسبوك" إن وزير التربية والتعليم الجديد ليس لديه "حاجة مبهرة في السي في بتاعه" سوي كونه مجرد مدير فى مدرسة خاصه بتمتلكها والدته

وقال أحمد برهام "انا واحد من المواطنين اللى مش عاجبهم اختيار وزير التعليم الجديد ، ولا السى فى بتاعه ، بس عادى برضه ، مش هينفع احكم عليه غير بعد ما يشتغل بفتره كافيه".

وأضاف أحمد برهام في منشور علي صفحته علي موقع التواصل الاجتماعي "فيسبوك" ، "بشكل شخصى شايف ان مفيش حاجه مبهره انى ابقى مدير فى مدرسة خاصه بتمتلكها أمى !! حتى لو نجحت فى ادارتها !! فى بلد زى مصر ، اغلب المدارس الخاصه كده كده بتنجح بسبب ضعف المنافس وتعملق الطلب مقارنة بالعرض نتيجة الزيادة السكانيه و اسباب اخرى !! انت بتبيع حتى لو وحش لان الطلب عالى جدا !! فايه معيار النجاح الحقيقى هنا ؟!".

واستطرد أحمد برهام "كنت هبقى متفهم الاختيار اكتر لو الهدف خصخصه اجزاء او قطاعات معينه فى التعليم، او حتى كان ممكن اتفهمه لو اعتبرناه بديل محلى لطارق شوقى باعتباره له فى مسألة تكنولوجيا التعليم شويه !!"

وتابع أحمد برهام "انما عموما ، مينفعش تنتقد الراجل قبل ما يشتغل اساسا ! مين عارف ؟ يمكن يخيب التوقعات والامور تبقى احسن مما تصورنا ويثبت كفاءه !"