انفراد وحصري.. الأم ”وحش الكون” أمام النيابة: عملت قناة على التيك توك وكان بيجيبنا دعم من ”الكويت والسعودية” (صور)

كشفت التحقيقات في القضية المتهمة فيهات التيك توكر المعروفة بـ"وحش الكون" وأبنائها، على خلفية اتهامهم بنشر فيديوهات مُخلة ومنافية لأخلاق المجتمع، والتحريض على الرذيلة والفجور والفسق، والتي جرى تجديد حبسها 15 يوما على ذمة التحقيقات، كما أمرت باستمرار حجز ابنتيها القصر داخل إحدى دور الرعاية لعدم تجاوزهما السن.

وانفرد "موقع قضية رأي عام" بنص تحقيقات القضية التي حملت رقم 1437 لسنة 2024 جنح أول المنتزه بأقوال "هبة م ع" التي تبلغ من العمر 38 سنة والملقبة بـ"وحش الكون" كالتالي:

س / ما قولك فيما هو منسوب اليك من أنكي متهم بارتكاب جريمه الاتجار بالبشر بان قمتي بالتعامل في المجني عليها و هم كلاً من ١- "فاطمه أحمد م أ " ، ۲- "بسمله أ م أ" بأنكي قمتي باستخدام سالفي الذكر و استغلالهم استغلال جنسي بان قمتي عرضهم علي وسائل التواصل الاجتماعي لراغبي المتعة قاصده بذلك تحقيق ربح مادي و ذلك حال كونك مسئوله عن تربيتهم وملاحظتهم وكونك أحد أصول المجني عليهم علي النحو المبين بالأوراق ؟

ج/ محصلش

س/ ما قولك فيما هو منسوب اليك من انك متهم بانشاء وادار واستخدام موقعا او حساب خاص علي شبكة معلوماتية يهدف الي ارتكاب وتسهيل ارتكاب جريمه يعاقب عليها القانون ذلك علي النحو المبين بالاوراق ؟

ج / محصلش .

س/ ما قولك فيها هو منسوب اليك من انك متهمة بالتعدي علي المبادئ والقيم الاسرية في المجتمع المصري و انتهاك حرمة الحياة الخاصة بان قمتي بنشر علي شبكه معلوماتية صوراً تنتهك حرمة و خصوصية المجني عليهم أبنائكي دون رضائهم وذلك علي النحو المبين بالاوراق ؟

ج/محصلش

س / وما الذي حدث إذاً و ما هي أوجه دفاعك ؟

ج / اللي حصل اني كنت متزوجه من "أحمد م ا" منذ عام 2006 أنجبت فيها طفليتين "بسملة" 16 سنة، وفاطمة 14 سنة و الزواج ده انتهي من حوالي 4 شهور لما خلعته بسبب خلافات مالية لانه في أخر سنتين ماكنش بيصرف علينا و اللي أعرفه عنه أنه سافر الجزائر و بسبب الأزمة المالية اللي مريت بيها من حوالي أكتر من بناتي عرضوا عليا فكرة أننا نكسب فلوس من علي النت و ساعتها مكنتش أعرف أي حاجه علي الموضوع ده و البنات قاللولي في تطبيق اسمه التيك توك بيبقي عن طريق فتح بث مباشر "لايف" و ده بيقي عبارة عن اني بشغل الكاميرا بتاعت التليفون و انا بعمل اي محتوي او اتكلم في اي حوار و فيه متابعين بتدخل علي البث المباشر بتفاعل علي البث عن طريق انها بتدوس علي بعض الخيارات في الشاشة بتبعت بيها هدايا للشخص اللي فاتح البث و الهدايا دي ليها قيمة وبتتحول الي فلوس و الفلوس دي صاحب البث ليه نص قيمتها و شركة التيكتوك بتاخد النص الباقي و قررنا اننا نجرب نعمل بث علي التيكتوك و اول بث كان علي قناة اسمها "البرنسيسة" في اسكندرية و القناة دي احتذرت و اتقلفت وكنا حققنا فلوس حلوة من أول قناة وكان عليها ۲۰ ألف متابع .

تابعت في أقوالها: "بدأت حالتنا تتحسن البداية البث كان عبارة عن ظهورنا احنا الثلاثة و نقول أسامي المتابعين و نشكرهم بس لما القناة اتقفلت عملنا قناة جديدة و قررنا نتشغل تاني في نفس المجال و فتحنا قناه جديدة باسم "وحش الكون " و لما فكرنا في الموضوع ملقناش اي محتوي . مع الداعمين في حساب وحش" الكون" مكنش كتير و التفاعل اننا نقول اسامي المتابعين و الداعمين اللي يدعمونا بس التفاعل كان قليل كده بدانا تقعد انا و بناتي بمكياج و لبس البيت و اللبس كان فاضح شوية بس لقينا التفاعل زاد و كنا محتاجين نفتح "بث كتير " عشان نزود التفاعل و نزود المشاهدين علي البث عشان يدعمونا بهدايا و أحنا نحولها لفلوس و البث بتاعنا و المكسب و بيقدر وكل بث التيكتوك بيظهر ليك الهدايا اللي وصلت ليك بعد خصم ! الشركة نص باسمي في بنك اسكندرية بس انا مش فاكره رقم الحساب و معظم الدعم كان التيك توك بيجي من الخليخ (الكويت و السعودية)عايزة أقول اني مكانش قصدي اعرض حياتي بناتي للخطر ولا أتاجر ببناتي على الانترنت وهو دا كل اللي حصل.

س / وما هي طبيعة علاقتك بالمجني عليهما "فاطمه أحمد م أ " ، ۲- "بسمله أ م أ"؟

ج/ دول بناتي .

س / أين هو والد نجلتيكي ؟

ج / هو انا زوجي خلعته من حوالي 4 شهور و أصلاً من أكثر من سنتين مانعرفش عنه أي حاجة و لا بيصرف عليا و لا علي ولادي و اخر حاجه عرفتها عنه انه سافر الجزائر يشتغل بعد ما خلعته

س / هل اتصل علمه بتلك الواقعة ؟

ج / مش عارفه

س / ما هي طبيعة الحالة الاسرية الخاصة بكي تحديداً؟

ج/ أنا خلعت زوجي من اربع شهور .

س/ ومن القائم علي الانفاق عليكم ؟

ج / في البدايا كان زوجي كان هو اللي بيصرف بس في آخ سنتين ماكنش بيصرف علينا وسبت له البيت وخلعته ورحت عشيت مع أبويا و هو اللي كان بيصرف بس داخله كان علي قده و مكناش عايشيين كويس.

س / و هل التحقت بأية عمل عقب ان تركت زوجك؟

ج/ لا

س / ما الذي حال دون ذلك ؟

/ ظروفي صعبه و انا مشتغلتش قبل كده و شهادتي مش عالية .