عبر تويتر.. ”رضوى الشربيني” لـ حسن شاكوش: كده تطرد بنت الجيران بعدما سجدت لربنا شكر

علقت الإعلامية رضوي الشربيني، على حالة الجدل التي تصدرت مواقع التواصل الاجتماعي "فيس بوك" بعد تحرير زوجة حسن شاكوش محضرًا ضد زوجها مطرب المهرجانات حسن شاكوش لاتهامه بطردها من المنزل في وقت متأخر من الليل، داخل أحد الكمبوندات الشهيرة بمنطقة أكتوبر، والاستيلاء على منقولاتها الزوجية وشبكتها، فضلا عن إيصال أمانة لصالحها بديل مؤخر الصداق.
قالت رضوي في تويتة لها على حسابها الرسمي على موقع التغريدات الشهير "تويتر": "كدة يا حسن تطرد بنت الجيران بعد ما سجدت لربنا سجدة شكر قدام الناس كلها علشان اتجوزتك وكمان تدخلها القسم بعد شهرين جواز يا راجل! ، تقديرك للراجل اللي معاكي بيتبني بالمواقف والعشرة ودول الإثبات الوحيد ف ما تسبقوش الأحداث .. وتقديرك ليه مش معناه إنك تتنازلي أو تقللي من نفسك علشانه، الله يكون فى عونها".


ويذكر أن رضوى الشربيني علقت على السجدة التي قامت بها زوجة حسن شاكوش وقت حفل زفافاهما في مارس الماضي، والتي أثارت ضجة كبيرة وقتها عبر مواقع التواصل الاجتماعى، وعلقت وقتها قائلة من خلال برنامجها "هي وبس": "كل واحد من حقه يعبر عن فرحته بالطريقة اللي تعجبه، تعليقي أنا على الواقعة بعيد عن ريم طارق أنه إزاي أنا واحدة ست هانم انزل على ركبي ومنها على الأرض قدام الناس بفستان الفرح ميصحش، وأنا كأنثي بأقول لا، ومشكلتنا والخوف لو تحول الأمر إلى تريند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها".

وأضافت رضوى: "ياريت يا بنات متعملوش كده أبدًا، لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي".