رد قاسي من شذي علي حسن شاكوش بعد حلقه العرافة مع بسمه وهبة

حل المطرب حسن شاكوش وزوجته ضيفة رابع حلقات برنامج " العرافة " بموسمه الثالث ، مع الإعلامية بسمة وهبة على شاشة المحور، أمس الأحد الموافق 26 مارس 2023.

هاجم مطرب المهرجانات حسن شاكوش، الفنانة شذى بعدما وجهت له انتقادات، وقالت إنه لا يجيد الحديث، وقال شاكوش: «هي بتغني؟.. هي دي مغنية؟.. بتغني إيه؟؟؟ معرفهاش والله العظيم، أنتِ حافظة لها أغاني؟».

وردت الفنانة شذى على تصريحات مطرب المهرجانات حسن شاكوش ضدها في برنامج حبر سري، وعبر صفحتها الشخصية على موقع الفيسبوك كتبت منشورًا نصه:«طب أنت مستفز يا شكشك بدل كلمة مستفز بتعصبك ودكتورة بسمة وهبة علشان هي ست شيك، قالتلك شذى فنانة زميلة عشان تجبر بخاطرك بس الحقيقة أنت لا فنان ولا زميل».

وتابعت: «قالتلك شذى فنانة زميلة علشان تجبر بخاطرك بس الحقيقة أنت لا فنان ولا زميل بالنسبالي خالص، أنت مؤدي، وبالنسبالي صوتك مزعج إنما فنان زميل دي أنا اعترض عليها بشده ودي الحقيقة بس علشان دكتورة بسمة مؤدبة وأنت ضيفها مقلتلكش الحقيقة».

وواصلت: «أصلًا مينفعش تسأل مين دي مش علشان لازم تكون عارفني بيني وبينك اريح لو متعرفنيش، وتعمل الشويتين بتوع ااااااه عارف اسمها ومش عارف اغانيها ومال شكلها اتغير كده ليه وجو 3 ورقات ده».

وأردفت :«لأن الرد موجود ما انا أو محدش فاكرني ولا عرفني مش هيجيبوا كلامي وأصلا اسماء الاغاني اللي انت قولتها دي تتكتب على تكاتك متعملش فيها بيتهوفن والنبي ومش معنى أن في هيصه الفتره دي على اللون ده أن أنت واللي زيك صناع المزيكا في مصر ابدا والله انتوا فاضحنا في العالم كله بردائه المزيكا اللي بتقدموها».

واختتمت كلامها قائلة: «وعموما وعمليا ردك ملهوش دعوه خالص بالسؤال ولا فهمت منك حاجة ومش عيب أنك تحضر قبل الحلقة عفوي وعلى طبيعتك دي لما تكون قاعد على مصطبه أو واثق في ردودك الذكية المنطقيه اللي هي مش موجوده اصلا ف إبقى حضر بعد إذنك علشان بدوخ المذيعين معاك...ملحوظه الجاكت اللي كنت لابسه حريمي يا فنان»