ميدو يوجه رسالة خاصة لجماهير الإسماعيلي قبل الموسم الجديد

وجه أحمد حسام ميدو رسالة خاصة لجماهير الإسماعيلي بعد تعيين إيهاب جلال مديرا فنيا للفريق الأول لكرة القدم.

قال ميدو في تصريحاته عبر برنامج الريمونتادا على قناة المحور: "رسالتي لجمهور الإسماعيلي ما تطلبوه يجب أن يكون واقعيا" .

وأضاف: "الجمهور لازم يبقى عارف إمكانيات لاعيبته والإسماعيلي بتاع دلوقتي مش الإسماعيلي بتاع زمان".

وواصل: "واحدة من الحاجات المهمة اللي هتنجح إيهاب جلال إن الجمهور يبقى واقعي، الكورة شغل وإمكانيات".

واختتم: "الإسماعيلي بقاله 4 سنين بينافس على الهبوط طول الموسم، لازم نبقى واقعيين".

نجم الدراويش: الإسماعيلي طلب مني عمل فيديوهات على "تيك توك"

أكد أحمد محسن لاعب الإسماعيلي، أن ناديه طلب منه عمل فيديوهات لحساب النادي على تيك توك.

قال أحمد محسن في تصريحاته عبر برنامج الريمونتادا على قناة المحور: "اتصابت في الخلفية 10 أيام حسيت إني جالي كانسر في الخلفية، لا أعلم سبب الهجوم على شخصي في بداية مشواري مع الإسماعيلي" .

أضاف: "الناس شايفة إني مركز مع السوشيال ميديا، بيبصوا للدقيقة اللي أنا ببقى عليها في السوشيال ميديا ومش بيركزوا على أدائي في الملعب" .

وواصل: "النادي الإسماعيلي عمل صفحة على التيك توك طلبوا مني إني أعمل فيديوهات على الأبلكيشن".

واختتم: "عمر السوشيال ميديا ما أثرت عليا في مشواري مع الإسماعيلي".