منى عبد الغني تكشف تفاصيل نجاة ابنها من الغرق

كشفت الفنانة والإعلامية منى عبد الغني تفاصيل نجاة ابنها من الغرق، موضحة أنها كانت على الهواء في تصوير برنامجها، وانتهت من العمل وعقب مغادرتها اتصل بها نجلها وأخبرها بنجاته من الغرق.

وقالت الفنانة منى عبد الغني: «من كام يوم خلصت البرنامج، لقيت ابني بيتصل عليا بيقولي أنا ربنا نجاني من الغرق، رجعت الاستديو وسجدت لله شكرًا».

وتابعت في مقدة برنامجها التلفزيوني: «لأنه بيكلمني بنفسه، وهو بخير.. قالي هما حذروني من نزول المياه.. ومنزلتش المياه لحد راسي واتسحبت».

واستكملت: «كان نفسي أقول الموضوع على الهواء عشان أحذر الناس من الكلام ده.. لأنه حصل وحصل قريب، الله يرحمه ابن الفنان حسن يوسف والفنانة شمس البارودي».

وقالت منى عبد الغني: «من كتر شكري لربنا إن المصيبة محصلتش، بقيت مش عارفة أملك نفسي إزاي، عايز أقول لو حادثة وحد ربنا نجاه وادغدغ، فالحمد لله».

واختتمت: «نقول زي عمر بن الخطاب علمنا: الحمد لله أنها مش أكبر من ذلك، والحمد لله أنها لم تكن في ديني، الحمد لله إنه ألهمني الصبر عليها وإني شكرت ربنا».