أمين الفتوى: الاباء بياكلوا ويشربوا ولا يعلموا أولادهم الأدب

قال الشيخ عويضة عثمان، أمين الفتوى بدار الافتاء المصرية، إنه فقدنا فى مجتمعاتنا قيمة احترام الكبير، مضيفا: "زمان كنت تلاقى العيل الصغير بيغلط وتلاقى جاره الأكبر منه، يعاقبه، فالولد يدخل لابوه يبكى، يقوله ضربك عشان يعلمك، لكن الآن تلاقى مشاجرات وخناقات".

وتابع أمين الفتوى بدار الافتاء المصرية، خلال حلقة برنامج "فتاوى الناس"، المذاع على فضائية الناس، اليوم الخميس: "احنا فقدنا قيمة عظيمة ولا يوجد الان من يكلم أبنائه عشان يعلمهم يحترموا الكبير، الاب دلوقتى بيدخل البيت ياكل ويشرب ولا يعلم ابنائه قيم أخلاقية".
واستكمل: "لازم فى البيت نعلم الأولاد يحترم الكبير لو الكبير بيتكلم نسمع، لما نلاقى كبير فى الاتوبيس نقوم ونقعده، لكن دلوقتى الكبير بيمسح بكرامته ارضا من الصغار، عشان مفيش تربية".

وكانت الشركة المتحدة للخدمات الإعلامية، قد أطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023.

وتبث قناة الناس عبر تردد 12054رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.