انفراد وحصري |شقيق ”روان” عروس المحلة ضحية زوجها يفجر مفاجأة بتحقيقات النيابة.. اعرف التفاصيل
![قضية رأي عام](https://www.publicopinioncase.com/img/24/03/08/37517_W.jpg)
![](https://www.publicopinioncase.com/ix/GfX/logo.png)
أدلى عمر محمد عبد السلام، شقيق "روان"، التي عرفت إعلاميًا بـ"عروس المحلة"، بأقواله أمام النيابة خلال التحقيقات.
وورد في أمر إحالة المتهم للجنايات أنه قتل “روان محمد”، زوجته، عمدا دون سبق إصرار أو ترصد، بأن تعدى عليها طعنا بسلاح أبيض سكين، قاصدا قتلها فأحدث إصابتها الموصوفة بتقرير الصفة التشريحية والتي أودت بحياتها، كما أحرز سلاحا أبيض "سكين"، بدون مسوغ قانوني.
س / ما صلتك بالمتوفاة لرحمة مولاها ؟
ج / أنا شقيق روان الله يرحمها
اقرأ أيضاً
انفراد وحصري.. ننشر أقوال والد عروس المحلة أمام النيابة قبل وفاته: المتهم ضربها وربطها في السرير
مصرع طالب صدمه قطار المحلة - طنطا أثناء عبوره شريط السكة الحديد في الغربية
مصرع طالب صدمه قطار المحلة - طنطا أثناء عبوره شريط السكة الحديد في الغربية
المتهم بقتل «عروس المحلة» أمام النيابة: «بتشتمني وتضربني»
رثاها ولحق بها.. وفاة والد ”عروس المحلة” ضحية زوجها
والد ”روان محمد” عروس المحلة في التحقيقات: ضربها في شهر العسل|انفراد وحصري
إحالة المتهم بقتل «روان» داخل شقتها للجنايات.. تفاصيل مثيرة تكشفها التحقيقات| انفراد وحصري
إمام عاشور أفضل لاعب فى مباراة الأهلي وبلدية المحلة
60 دقيقة ..هجوم أهلاوى متواصل بعد التقدم على بلدية المحلة برباعية
5 لاعبين يترقبون الظهور الأول واستعادة بريقهم مع الأهلى
موعد مباراة الأهلى المقبلة أمام بلدية المحلة بالدوري والقناة الناقلة
شكاوي المواطنين|أسرة تبحث عن إبنها المتغيب منذ 7 شهور: انت فين يامحمد قلبي وجعني عليك
س/ وما معلوماتك بشأن واقعة وفاة المجني عليها / روان محمد عبد السلام محمد مصطفي ؟
ج / اللي حصل ان اختي متزوجة / أحمد عبد الرحمن السعيد عبيد ومقيمة معاه هنا في المحلة في منطقة الشعبية بقالها سنة و خمس شهور ومخلفة منه طفل عنده خمس شهور والنهاردة حوالي
الساعة الثانية عشر ظهرا والدي جاله اتصال هاتفي من احد ضباط المباحث هنا في المحلة بيبلغه ان اختي ماتت مقتولة وفي حد ضاربها وان اتعمل محضر واتعرض علي النيابة العامة ولازم نحضر
امام النيابة فجينا علي المحلة علي طول عشان نتسأل في القضية.
س / متي وأين تلقيت نبأ وفاة شقيقتك؟
ج / النهاردة الساعه ١٢ الظهر
س / وما معلوماتك بشان واقعة وفاة شقيقتك ؟
ج / انا لسة معرفش حاجة عن الموضوع ده غير ان احمد جوز روان قتلها بسكينة والكلام ده عرفته من ابويا واحنا جايين في الطريق للمحلة مع خالتي لان اما ابويا جاله التليفون كلمت احمد جوزها لقيت تليفونه مقفول وكلمت ابوه تليفونه مقفول و في حد من المشرحة كلم ابويا
قاله تعالوا استلموا الجثة فعرفنا من الشخص ده انها ميتة بطعنه سكينة فخالتي سبقتنا على المشرحة وكلمتني قالتلي ان اهل جوزها محدش منهم هناك خالص واحنا جينا النيابة نتسأل ونروح بعدها نستلم الجثة عشان المباحث قالت لنا لازم تروحوا النيابة تتسألوا لان اتعمل محضر
واتحول علي النيابة بس احنا بنتهم أحمد جوز روان انه قتلها لان بينهم خلافات كثير من يوم ما
اتجوزوا وهي حكتلي علي كل حاجة بينهم من خيانته ليها وضربها وبهدلتها لحد آخر مكالمة بينا امبارح قالتلي تعالي روحني بلقاس انا وابني و انا قلتلها ميصحش خلي جوزك يجيبك و نقعد
نتكلم معاه.
س / وما تفصيلات الخلافات التي بين شقيقتك المتوفاة وبين زوجها / أحمد عبد الرحمن السعيد عبيد الذي تتهمه بقتلها ؟
ج / هما علي طول في مشاكل بسبب أنه علي طول في شغله ومبيروحش بيته الا باليل خالص ومتصاحب علي كل زمايله الحريم في الشغل ومهتم بيهم زيادة عن اللزوم ومش بيصرف كويس
علي ابنه و معهوش يصرف علي بيته كويس وكنت بساعده من غير روان ما تعرف واحوله فلوس
فودافون كاش يصرف بيها علي بيته ده غير انه بيضربها كل فترة و بيقل ادبه عليها وعنده سلاح بندقية خرطوش عاينها في البيت تحت سرير ابنه الصغير كان هددها مرة بيها وكمان وهما اول جوازهم وهما في شهر العسل كانوا في المنشية في اسكندرية وضربها في كل جسمها و من كثر صويتها الناس اتلمت وحاشته عنها ووالدي راحلها اسكندرية لقاها مضروبة وكان رابطها في السرير ومبهدلها جدا وابويا صالحهم علي بعض وحل الموضوع وعلي كده لحد آخر سبع أيام فاتوا
كل يوم تتصل تشتكي منه وعايزة تسيب البيت وآخر مشكلة بينهم امبارح مكلماني 10.49 دقيقة بالظبط بتقولي تعالي خدني انا وابني وانا مش طايقة أعيش معا هفا قفلت معاها واتصلت بيه
قلتله في ايه قالي مش مستاهلة تيجي انا هاخد إجازة يومين و انا هجيبها واجيلك بكرة وانا اتحايلت عليه يصالحها وقالي حاضر والله هصالحها ونيجي نقعد عندكم يومين.
س / وما الذي دفعك للتيقن من توجيه الاتهام الي زوج شقيقتك المجني عليها المدعو / أحمد عبد الرحمن السعيد عبيد بقتلها ؟
ج / احنا تأكدنا انه قتلها بناء على اتصال تليفوني من دكتور طب شرعي طنطا جه لابويا وعرفنا انه جاب الرقم من المباحث وكلمنا عشان نستلم جثمانها بعد ما عرفنا ان النيابة نقلت الجثة هناك
تتشرح وسألنا هو في الطب الشرعي ليه وعرفنا انها ميتة بطعن سكينة وده غير ان جوزها احمد مختفي من ساعة ما عرفت بالقصة دي ومش عارف اوصله وسألت عليه هو عند المشرحة قالولي
لا لأني بعت خالتي هناك عشان تفضل جنب الجثة لحد ما اروحلها لاني رنيت عليه هو وابوه أكثر من مائة مرة وتليفوناتهم مقفولة.