بمهرجان صيع ومنحرفين.. عصام صاصا يعود لنشاطه الفني بعد دهسه شخصًا على الدائري

روج مؤدي المهرجانات عصام صاصا لـ عمل غنائي جديد بعنوان صيع ومنحرفين، وذلك بالتزامن مع أزمته الكبيرة التي تسبب فيها في وفاة شخص بعد دهسه على طريق الدائري.

ويعود عصام صاصا للنشاط الفني مرة أخرى، معلنًا موعد طرح كليب صيع ومنحرفين، من خلال نشر البرومو التشويقي للمهرجان، وعلق عليه: انتظرونا يوم 6/6 الجاري.

سبق ودافع عصام صاصا عن نفسه من خلال منشور عبر حسابه الشخصي على موقع فيس بوك، حيث كتب أنه لابد أن يستمر في النشاط الفني وإحياء الحفلات بسبب التزاماته المادية، حيث كتب: بسم الله الرحمن الرحيم.. ربنا وحده يعلم أنا بكتب الكلام دا وأنا عامل إزاي وفيا إيه.. أنا بقالي أكتر من شهر قاعد من غير شغل، ومعنديش أي حاجة أعملها غير إني قاعد وما باليد حيلة، ومستني قضاء ربنا سبحانه وتعالي ومحدش هيفهم أو هيحس بالموضوع غيري.

تصريحات عصام صاصا
وأضاف صاصا: أنا مطلعتش أتكلمت وعدت وزدت في الموضوع كتير، ومحدش شافني حتى بفيديو قولت أي كلمة خالص، لكن أنا عندي شغلي وعندي عقود التزامات لما أعملها وأخلصها يا إما هدخل في قصة تانية أنا مش قدها وشرط جزائي، أنا هنزل شغلي وهشتغل لأني مش بإيدي أي حاجة غير إني أعمل كده.

واختتم: أنا عندي أمي وعندي أخويا وعندي مراتي وابني وفرقة فيها أكتر من 35 شخصا في رقبتي، أنا شاب لسه ببدأ حياتي ولسه بقول يارب.