بسبب حقيبة بربع مليون جنيه.. هاجر أحمد تستغيث من أحد المغاسل
استغاثت الفنانة هاجر احمد، عبر حسابها الرسمي بموقع تداول الصور والفيديوهات «إنستجرام» من تضرر حقيبة خاصة بها في مغسلة يصل سعرها إلى 5 آلاف دولار خلال الساعات القليلة الماضية، مشيرة إلى أنه تم حرقها بالكامل.
وكتبت هاجر أحمد عبر حسابها على «إنستجرام» عن تضرر حقيبتها، قائلة: «تجربتي السيئة مع مغسلة، ليها فروع كتير في القاهرة الجديدة».
وأضافت: «من حوالي شهرين ونص، اتصلت بيهم اسألهم أن عندي شنطة غالية نوعها كريستيان ديور باهظة الثمن، وفيها بقعة كدة بالألوان بسيطة بنتي عملاها، وسألتهم هل تقدروا تشيلوا البقعة دي ولا لأ؟، قالولي طبعا يا فندم إحنا كل شغلنا شنط ماركات وشنط غالية، للعلم أن سعرها الشنطة حاليًا تقريبًا 5000 دولار»
وتابعت: «أني عارفة إني لأزم أودي الشنطة للمكان بتاعها يظبطوها بس المشكلة أن أقرب مكان ليا دبي، وأنا مش مسافرة دبي الفترة دي أبدًا، بعد ما تواصلت معاهم أكدو لي أنهم يقدروا ينضفوها بسهولة».
اقرأ أيضاً
وأردفت: «أنهم كمان بيستخدموا نفس المواد الكريستيان ديور بيستخدموها، قُلت أنا هديكم الشنطة وشوفوا هتعرفوا ولا لأ، لو لا ابعهتوهالي، وأكدت عليهم فوق الـ 50 مرة، قالولي إحنا عندنا فني بيحدد كمان هل يقدر يعمل كده ولا لأ ومش هنجازف يا فندم طبعًا».
وواصلت: «: اتصلت بيهم قُلتلهم بصيتوا على الشنطة ولا لأ، قالولي طبعًا سهلة جدًا وهتوصل خلال أسبوع متقلقيش، قُلت تمام وأكدت أنها مش بتتغسل بماية ولا بتدخل غسالة، قالولي لا طبعًا لا ماية ولا غسالة ليها مواد معينة».
واستكملت: «سبتهم خالص وبعد أسبوع، كانت الصدمة في اللوجو بتاعها اللي بـ ماء الدهب ممسوح، والشنطة محروقة من جوة والإيد بتاعتها مكسورة، ومتقطعة من الجناب كلها دايبة وكل معالمها راحت، اتصلت بيهم قُلتلهم عاوزة صاحب المكان كلمت واحد مش فاكرة اسمه، وقالي أنا شريك في المكان ونعملك اللي انتي عايزاه، وتحت أمرك وكان محترم أوي أول مكالمة وقالي ابعتيلي الشنطة».
آخر أعمال هاجر أحمد
والجدير بالذكر، أن آخر أعمال هاجر أحمد مشاركتها في فيلم أهل الكهف الذي عرض ضمن أعمال موسم أفلام عيد الأضحى 2024، ودارت أحداثه حول، في الفترة من عام 250 ميلادية، حول صراع الإنسان مع الزمن، وهذا الصراع يتمثل في ثلاثة من البشر، يبعثون إلى الحياة بعد نوم يستغرق أكثر من ثلاثة قرون ليجدوا أنفسهم في زمن غير الزمن الذي عاشوا فيه من قبل.
