انفراد وحصري.. ابنة التيك توكر وحش الكون أمام النيابة: ماما طفشت بينا من بيت بابا.. وعملنا لايفات لما الظروف ضاقت (نص تحقيقات)

كشفت التحقيقات في القضية المتهمة فيهات التيك توكر المعروفة بـ"وحش الكون" وأبنائها، على خلفية اتهامهم بنشر فيديوهات مُخلة ومنافية لأخلاق المجتمع، والتحريض على الرذيلة والفجور والفسق، والتي جرى تجديد حبسها 15 يوما على ذمة التحقيقات، كما أمرت باستمرار حجز ابنتيها القصر داخل إحدى دور الرعاية لعدم تجاوزهما السن.

وانفرد "موقع قضية رأي عام" بنص تحقيقات القضية التي حملت رقم 1437 لسنة 2024 جنح أول المنتزه بأقوال ب. أ البالغة من العمر 16 عاما، طالبة بالصف الثالث الإعدادي إبنة "وحش الكون" كالتالي:

ماما طفشت بيا أنا وأختي ف.أ من بيت بابا في البحيرة، من حوالي 3 سنين من غير طلاق، لأن ماما كانت غضبانة بسبب أن بابا صعب ومش بيصرف على البيت، وراحت بينا عند بيت باباها في الإسكندرية.

وأضافت الصغيرة: من ساعة الانفصال وبابا مش بيسأل علينا ولا بيكلمنا، وماما من حوالي كام شهر رفعت دعوى خلع وكسبت القضية، وإحنا المعيشة كانت صعبة لأن بابا مش بيصرف علينا، وماما مش بتشتغل أصلًا ولا معاها أي تعليم عالي وجدو كبير في السن وشغال بيمسح عربيات في الشارع وبيكسب حوالي 50 جنيه في اليوم وهي الفلوس دي مش حتكفينا كلنا ومكناش عارفين نشتري أي حاجة من اللي نفسنا فيها.

الربح من تيك توك..حيلة وحش الكون لتحسين دخل الأسرة

وأوضحت الفتاة ضحية والدتها وحش الكون في التحقيقات: من حوالي فترة جالي فكرة أننا نكسب فلوس من علي النت وساعتها دورت على فيديوهات إزاي أكسب فلوس من على تطبيق التيك توك والبث المباشر، والمكسب في التيك توك بيبقى عن طريق فتح بث مباشر لايف وده عبارة عن أني بشغل الكاميرا بتاعة التليفون وأنا بعمل أي محتوي أو أتكلم في أي حوار، وفيه متابعين بتدخل على البث المباشر بتتفاعل عن طريق إنها بتدوس على بعض الخيارات في الشاشة بتبعت بيها هدايا للشخص اللي فاتح البث والهدايا دي بتتحول لفلوس والفلوس دي صاحب البث ليه نص قيمتها وشركة التيك توك بتأخد النص الباقي.

وأكملت الصغيرة في واقعة وحش الكون: لما شفت الكلام قلت لماما أننا ممكن نكسب فلوس من على التيك توك ونحسن حياتنا وساعتها ماما مكنتش مصدقة، وقالتلي طيب إزاي وأنا شرحت لها القصة وقررنا نجرب نعمل بث على التيك توك، وأول بث كان على قناة اسمها برنسيسة إسكندرية والقناة دي اتحظرت واتقفلت، والبث كان عبارة عن ظهورنا أحنا التلاتة ونقول أسامي المتابعين ونشكرهم بس لما القناة اتقفلت عملنا قناه جديدة باسم وحش الكون.