حسن شاكوش يخرج عن صمته بعد تصريحات طليقه: «أنا شغلي سمعتي .. والراجل لي شرف زي الست»

خرج مطرب المهرجانات حسن شاكوش، عن صمته، بعد التصريحات التي أدلت بها طليقه ريم طارق، مع الإعلامية بسمة وهبه، في برنامج 90 دقيقة، قائلًا: «كلكوا أكيد عارفين ومتابعين المشاكل اللي بيني وبين اللي كانت مراتي، وأنا طالع دلوقتي أرد عليها».

وقال شاكوش، عبر مقطع فيديو قام بنشره على صفحتهل الرسمية على مواقع التواصل الاجتماعي "فيسبوك":«أنا كنت ساكت كتير جدًا، وفي بداية الأزمة أنا نزلت بوست على صفحتي وقولت مستحيل أتكلم على واحدة في يوم من الأيام كانت مراتي أو مش مراتي، أنا مغلطش في حق بنت ولا اتكلمت عن اي بنت، لان عارف يعني إيه شرف المرأة المصرية، وزي مالست ليها شرف الراجل لي شرف بردو، ولازم الكل يحترمه ويحترم كرامته».

واستكمل حسن شاكوش حديثة ، قائلًا :«أنا شغلي قائم على سمعتي، وكل اللي بيسمعني ناس محترمة ومينفعش أتكلم على إي بنت ، ودا اللي اتربيت عليه؛ لأن أنا راجل صعيدي ومن منطقة شعبيه، وانا متكلمتش الفترة اللي فاتت عشان هي كانت مراتي، وفي الأول والأخر لو كنت أتكلمت عنها كان هيعيب عليا أنا لأن أنا اللي كنت جوزها».

وأضاف شاكوش: «أنا أهلى اتشتموا على السوشيال ميديا كلها، وبردو متكلمتش، أنا كنت في ضغط عصبي بالرغم من أنا كنت بنزل شغلي وبردو متكلمتش، أنا دلوقتي طالع عشان أوضح المعلومه أن ليا حق الرد»، مؤكدًا:« بردو لازم نحترم الست المصرية وزي مابنحترمها لازم هي تحترمونا، ولازم الناس تسمع من طرفين مش من طرف واحد».

وأخيرًا وجهه رسالة لجماهيره، قائلًا: «حسن شاكوش أتجوز 55 يوم ومتكلمش هتكلم في إيه تاني ، واللي كنت عاوزة اتكلم في طليقها طلع واتكلم في والموضوع خلص خلاص».