صاحبة واقعة اتهام صلاح التيجاني بالتحرش: فخورة بكل بنت قررت تواجه التحرش واتكلمت معايا.. وربنا ينصرنا

حرصت خديجة خالد، صاحبة واقعة اتهام الشيخ صلاح التيجاني، شيخ الطريقة التيجانية في مصر، بالتحرش، على شكر لكل من دعمها خلال الأيام الماضية، وذلك في منشور لها عبر صفحتها الشخصية على موقع التواصل الاجتماعي فيس بوك.

ويعد هذا أول تعليق من خديجة خالد، صاحبة واقعة اتهام التيجاني بالتحرش، بعد خضوع التيجاني للتحقيق، ومن ثم إخلاء سبيله بكفالة مالية.

وقالت خديجة في منشورها: الحمد لله أنا أحسن بكتير وشكرا على كل الدعم اللي انتوا قدمتهولي وانكم وقفتوا جنبي.. وشكرا لكل البنات الشجعان اللي بعتولي واتكلموا وقرروا يواجهوا ويشهدوا بالتحرش اللي اتعرضوا ليه سواء من وقت قريب أو من سنين كتير.

وتابعت: حابة أطمنكم ولو فيه أي بنت حابة تحكي وتتكلم، تبعتلي ونتواصل مع مؤسسة قضايا المرأة وهما ياخدوا الإجراءات اللازمة ويحمونا إننا نتعرض لحاجة زي كدة تاني.

واستكملت: أنا فخورة جدا بكل البنات الكتير اللي بعتولي واللي قدروا يقهروا خوفهم ويتكلموا وأنا كنت مجرد سبب بسيط ربنا جعله باب لناس كتير تتكلم ويقدروا ياخدوا حقهم وكلنا ثقة في القضاء وإن شاء ربنا معانا وينصرنا.