اليوم.. محاكمة المتهمين بفبركة ”سحر مؤمن زكريا”

تنظر محكمة جنح الخليفة المنعقدة بمحكمة جنوب القاهرة زينهم، اليوم الثلاثاء، ثاني جلسات محاكمة 5 متهمين في واقعة “فبركة سحر” مؤمن زكريا، لاعب النادي الأهلي السابق بأحد مقابر الخليفة بالقاهرة.

قال اللاعب مؤمن زكريا لاعب النادي الأهلي السابق: “اللي حصل إن لقيت واحد قریب زوجتي اسمه مصطفى كلمها وقال لها إن في واحد جارهم اسمه محمد إمام قال له إن في ناس لقوا عمل معمول لمؤمن في المقابر عشان كان العمل معمول على صور بتاعتي، وكمان كان فيه عروسة مربوطة من إيديها ورجليها ودبابيس وكان عليهم طلاسم، وقالوا لي تعالى المقابر عشان تشوف العمل قالوا لي إحنا كنا بنحفر عشان نزرع صبارة”.

وأضاف مؤمن زكريا في أقواله أمام النيابة: فور وصولي قابلت الناس اللي اتمسكوا وكان معاهم واحد هرب وهناك وروني الحاجة في مياه بملح والورق كان دايب في المياه وكان في صورتين واحدة كبيرة وواحدة صغيرة عليها طلاسم وكان فيه عروسة متربطة من الإيد والرجل كان مكتوب عليها طلاسم والورق كان محطوط في المياه ودايب.

وتابع مؤمن زكريا: وبعد كدا أخدنا العروسة وبقية الورق واتخلصنا منهم وهناك كان في واحد بيصور الموضوع ده هناك من وقت ما أنا دخلت المقابر واستأذتته إنه ميصورش ويمسح الصور دي ومحدش ينزل حاجة و لا ينشر حاجة وبعد كده فؤجئت بتداول الصور على مواقع التواصل الاجتماعي ونشر أخبار عن وجودي بالمقابر وهو دا كل اللي حصل".

تعود الواقعة عندما تلقت النيابة العامة بلاغًا من لاعب كرة القدم السابق مؤمن زكريا، بأن المتهم الأول أذاع أخبارًا كاذبة عبر لقاءٍ تلفزيوني، تفيد عثوره والمتهمون الأربعة الآخرون على أعمال سحر تخصه بإحدى الجبانات بمنطقة الخليفة؛ ما ألقى الرعب في نفسه.