بعد محاولة انتحار.. هدير عبدالرازق: مهما أكون غلطت مستهلش اتفضح

نشرت البلوجر هدير عبدالرازق استوري عبر حسابها الشخصي على “إنستجرام”، في ثاني ظهور لها بعد انتشار مقطع مخل يظهرها برفقة شخص آخر.

وقالت هدير عبدالرازق "دي 3 مرة أفشل في أني أروح لربنا، كافرة بقا مش كافرة، فشلت، أنا مش عارفة، هو مش عاوزني أروح له، ليه ما خلاص، أنا اتحكم عليا بالإعدام مع أهل الأرض، أنا مش عارفة هو أنا عملت إيه استاهل عليه دمار حياتي بهذا الشكل؟".

وأضافت: "كفاية أخبار كذب على لساني وكفاية توزيع في صور ليا وللفيديو، أنا المحاولة الرابعة، الجاية أقسم باللي خلقكم لأرمي نفسي من برج القاهرة عشان أضمن أني همشي من هنا، أنتم متعرفوش يعني إيه رحمة ولا إنسانية ولا حتى دين، محدش حاول حتى يساعدني أني أرجع حقي من اللي عمل فيا كده".

وختمت هدير بقولها "محدش سلط الضوء ليه على اللي عملوا فيا كده، زي متكلموا عن فضيحتي، أنا مهما أكون غلطت، أنا مستهلش اتفضح بهذا الشكل، الشخص ده كان جوزي مكنش مأجرني، أنا جوزي طلقني وبيتي اتخرب وحياتي اتدمرت، مفضلش غير أني أنهي حياتي وياريت ربنا ياخدني من عنده.. بس قبل ما أنا أحاول للمرة الرابعة أعمل كده، بالله عليكم كفاية".

وقبل أيام ظهرت البلوجر هدير عبدالرازق، في فيديو جديد، على حسابها الشخصي على منصة “إنستجرام”، لأول مرة، بعد انتشار فيديو مخل يظهرها برفقة شخص آخر.
وقالت هدير عبدالرازق خلال الفيديو: “كلكم عارفين المشكلة اللي حصلت لي من شهر وربنا كرمني وقدرت أطلع منها ولسه القضية شغالة، وبالنسبة للتريند اللي طالع باسمي اليومين دول والفيديو غير الأخلاقي اللي منتشر، أنا سمعتي ادمرت بسببه ومابقتش موجودة أصلا”.
وأضافت “أنا منهارة أنا وأسرتي كلها ومش عارفين نعمل إيه، أنا كنت ناوية بعد المشكلة الأخيرة أتوب وأبعد عن السوشيال ميديا وأبطل أصور فيديوهات تاني وكنت هختفي تماما”.

وتابعت: “أنا كنت محبوسة بسبب مشكلة تقديم المحتوى على التيك توك مش بسبب الفيديو اللي منتشر اليومين دول، أنا اتفاجئت زي زيكوا بالفيديو المنتشر باسم فضيحة هدير عبد الرازق، وأنا مش طالعة أبرر إن مش أنا في الفيديو، والفيديو مش بتاعي، الفيديو بتاعي للأسف بس أنا معرفش انتشر إزاي ومين نشره”.

وأردفت “أنا لغاية دلوقتي موبايلي اللي بطلع منه لايفات على حساباتي على تيك توك متحرز في القضية اللي أنا فيها، وأنا معرفش الفيديو انتشر إزاي وليه، والولد اللي ظهر في الفيديو مش هو اللي بيظهر معايا في الفيديوهات”.

وواصلت “أنا بنت محترمة وأخلاقي كويسة وبنت ناس، أنا طالعة أحاول أنقذ ما تبقى من كرامتي وكرامة أهلي، والشخص اللي كان معايا في الفيديو كان جوزي، وعلى سنة الله ورسوله، وأنا ما كشفتش عن موضوع جوازي على السوشيال ميديا، عشان بحب الخصوصية”.

واستطردت “هو محصلش بينه وبيني نصيب وانفصلنا من سنة، والفيديو ده أنا معرفش اتنشر إزاي ومين نشره، وأنا لو مش محترمة كنت مشيت غلط وكان بيجي لي عروض كتير من أشخاص كتير وكنت برفض وعمري ما صاحبت شباب أنا بتجوز ومبعملش حاجة حرام”.

وطالبت هدير عبدالرازق المتابعين ورواد مواقع التواصل الاجتماعي بحذف الفيديو وعدم مشاهدته، مختتمة “اتقي الله أنت عندك أخت زيي، وأي حد بينشر الفيديو خصيمي أمام ربنا يوم القيامة، وأهلي دُمروا وحياتي دُمرت، وبيتي اتخرب بسبب الفيديو وحياتي باظت، وبعد اللايف ده أنتم مش هتشوفوني تاني”.